- 70 -

1379. August 31.

In n. d. a. Noverint universi tam presentes quam futuri presentem paginam inspecturi, Quod nos fratres infrascripti et non scripti Conventus Rathiborgensis Ord. fr. Pred. vid. fr. Wenczesslaus prior, fr. Nycolaus supprior, fr. Petrus lector, fr. Leonardus, fr. Bartholomeus, confessores monialium, fr. Mathias, fr. Patkoslaus .. Ceterique fratres omnes et singuli eiusdem conventus et ordinis, Attendentes et diligencius advertentes merum affectum et piam devocionem Probi viri et honesti Bogun Civis in Kosla, Ac legittime et honeste sue uxoris Gele nomine, Ad nostrum ord. et conventum Rath. gerentes, Quem quidem affectum et devocionem largiflue patefecerunt in eo quod elemosinam vid. duas marcas cum dimidia super duos ortus que iacent in novis ortis prope foris Civitatem Rath. Nobis et conventuj nostro iam sepe dicto perpetue conparaverit et dedit. Ut igitur reconpensacio tanti beneficij prefato viro secundum ipsius desiderium et intencionem debita reddatur eidem, nos nostrosque posteros animo deliberato et communi omnium concurrente consensu Presentibus astringimus et obligamus Ad tenendum, legendum ac celebrandum Singulis diebus unam Missam de beata Virgine Et feria sexta de sancta Cruce et hoc in altare b. Marie semper Virginis. Insuper modo consimili nos obligamus Omnibus quatuor temporibus Vigilias novem leccionum Et in crastinum Missam cum Officio sollempni defunctorum cantare. Et hoc idem promittimus Singulis annis Infra Octavas S. Martini ep. et conf. semel faciendum omnj dilacione occasione fraude proculmotis temporibus imperpetuis In salutem et refrigerium progenitorum suorum ac aliorum pro quibus ipse intendit. Postquam vero domino permittente prefatus et honestus vir Bogun diem clauserit extremum, Anniversariam diem vigilijs ix leccionum cum missa Sollempne def. annualiter die qua decessit peragere plene et fideliter eciam promittimus in his scriptis. In quorum omnium robur et testimonium Sigilla conventus nostri et prioratus huic littere sunt appensa. Datum Rath. feria quarta infra Octavas b. Augustini ep. et conf. A. d. Mill. Trecent. lxxnono.

Aus dem Copialbuch der Dominicaner; unten stehen noch die Namen: Martinus de Zakraw. Elyzabeth uxor. Bogun filius eius. Gela uxor eius.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.